Fina venko

 Tiu ĉi rakonteto estas verkita de mi mem en la fino de la jaro 2016, kaj aperis en la februara numero de la literatura revuo Beletra Almanako (BA28). Kompreneble ĝi estis modifita de la redaktoroj de BA.

 

 “Mi ankoraŭ ne kontentas. Kial oni elektis la kadukan oldulaĉon por la bonveniga ceremonio? La ceremonio estas terurege grava, ĉu ne? Li jam ne povas paŝi per siaj kruraĉoj, ĉu ne? Kiom li aĝas? El kiu landaĉo li venis?”, Karlo kun iom da moktono dubeme demandis sian kolegon Johano starantan tuj apud li. Daŭrigi legadon “Fina venko”

Novaj radikoj -tos-, -moj- kaj aliaj

_

unuamojo

_
unu/a/tos/o : anstataŭaĵo de la nomo de la unua tago de la semajno “lundo”, kaj la nova radiko “-tos-” estas farita el la kapliteroj de la vortoj “tago” kaj “semajno”, do tiu ĉi nova vorto “unuatoso” estas mallongigo de la frazeto “la unua tago de la semajno” ; anstataŭaĵoj por la aliaj kvar tagoj : mardo = duatoso, merkredo = triatoso, ĵaŭdo = kvaratoso, vendredo = kvinatoso. Por la lastaj du tagoj, por la semajnfinaj tagoj ni daŭre uzu la nomojn sabato kaj dimanĉo.
_
Komence mi donis ankaŭ por la semajnfinaj du tagoj anstataŭaĵojn, kaj por dimanĉo unuatoson. Kelkaj demandis min, kiu estas la unua tago de la semajno? Ĉu dimanĉo aŭ lundo? Unu el ili diris, ke laŭ ISO8601 la semajno komenciĝas je lundo. Mi do modifis mian proponon, kaj krome por eviti la konfuzon mi decidis ne doni anstataŭaĵojn por la du semajnfinaj tagoj. (Ankaŭ en la portugala oni nomas la semajnfinajn du tagojn sábado kaj domingo, sed lundo estas segunda-feira, la dua tago)
_
_
unu/a/moj/o : anstataŭaĵo de la nomo de la monato “januaro”, kaj la nova radiko “-moj-” estas farita el la kapliteroj de la vortoj “monato” kaj “jaro”, do tiu ĉi nova vorto “unuamojo” estas mallongigo de la frazeto “la unua monato de la jaro” ; anstataŭaĵoj por la aliaj dek unu monatoj : februaro = duamojo, marto = triamojo, aprilo = kvaramojo, majo = kvinamojo, junio = sesamojo, julio = sepamojo, aŭgusto = okamojo, septembro = naŭamojo, oktobro = dekamojo, novembro = dekunuamojo, decembro = dekduamojo.
_
_
unu/a/fom/o : anstataŭaĵo de la nomo de la fingro de la mano “la unua (aŭ dika) fingro”, kaj la nova radiko “-fom-” estas farita el la kapliteroj de la vortoj “fingro” kaj “mano”, do tiu ĉi nova vorto “unuafomo” estas mallongigo de la frazeto “la unua fingro de la mano” ; anstataŭaĵoj por la aliaj kvar fingroj : la dua (aŭ montra) fingro = duafomo, la tria (aŭ longa) fingro = triafomo, la kvara (aŭ ringa) fingro = kvarafomo, la kvina (aŭ malgranda) fingro = kvinafomo.
_
_
unu/a/fop/o : anstataŭaĵo de la nomo de la fingro de la piedo “la unua fingro”, kaj la nova radiko “-fop-” estas farita el la kapliteroj de la vortoj “fingro” kaj “piedo”, do tiu ĉi nova vorto “unuafopo” estas mallongigo de la frazeto “la unua fingro de la piedo” ; anstataŭaĵoj por la aliaj kvar fingroj : la dua fingro = duafopo, la tria fingro = triafopo, la kvara fingro = kvarafopo, la kvina fingro = kvinafopo.
_
_